麵道 (已結業)

🔅麵道🔅石門🔅拉麵🔅依家間舖頭喺石門地鐵站一出對開就係，週末下晝都長期有10幾個人排隊，好受歡迎！今次我哋叫咗一碗醬油雞白湯同埋博多豚骨湯，分別一個係豚肉叉燒同雞叉燒，可以選擇拉麵硬度、醬油濃度、要唔要香味油～豚肉的話係配木耳絲同香蔥，雞肉的話係配筍片同香蔥，都幾唔同！我就第一次試雞肉為主菜嘅拉麵啦～我認為加醬油香好多，雞白湯的確濃郁，湯底層次豐富，好飲～但係以雞肉整叉燒，始終肉質偏柴，切片方式令到佢冇油脂入口，都係差少少至於博多湯底，味道比較一般，同樣濃郁嘅，叉燒豚肉好食，亦都有燒過嘅香口感💕，但我就覺得加返醬油好食啲🤭另外因為真係好肚餓，我再叫咗個滿腹套餐，可以加一個小食同飲品～叫咗一份天婦羅無骨雞翼，同埋生啤～好食又滿足～不過嗰個係無骨雞件，唔係無骨雞翼😅😅😅都好食嘅，但係又唔係好知道天婦羅係邊，佢亦都冇得點任何醬汁😅另外呢，食食吓嘅時候發現雞件下有一粒發泡膠粒，店員話係香蔥嗰度有🥶佢哋即刻換咗一碗全新嘅俾我，我亦都唔覺得衛生有問題嘅，不過可能真係錯手有粒發泡膠😅同食物煮熱就緊張啲另外提提你，最好唔好大熱天時去，因為個商場冷氣唔夠，連帶間舖頭嘅冷氣都爭好遠，我見到店內有好多部風扇