新曼谷泰菜 (已結業)

跟親愛既鄰居每月一聚繼續長食長有 其實每個月我倆都隨心選擇 無特別刻意話想食想試什麼 不過剛好泰癮起 於是去左新曼谷泰菜度試試 未去前大概都有睇睇D人既comment 發覺好評都不算少 加上呢度打正旗號係泰國人主理 更為期待 點了泰式海鮮炒粉絲、泰式小食拼盤同埋馬拉盞炒通菜 馬拉盞通菜 炒得惹味香滑 油水足不過味道唔會過咸 份量都唔算少 兩個人食絕對足夠有餘 泰式海鮮炒粉絲 賣相雖然跟n_cc預想的有點出入 不過味道還是不過不失 粉絲質感不會炒到過濕一舊舊 入口味道中庸 雖然稱不上十分鮮味 不過海鮮還算新鮮爽口彈牙 泰式小食拼盤 兩個女生點了個小size 選擇了炸蝦餅及豬頸肉蝦餅外脆內軟肉質彈滑爽口 蝦味香濃 豬頸肉食落有淡淡炭燒味 感覺獨特 味道不算重 沾上特別醬汁更有另一番風味 以普遍偏咸既泰菜來說 新曼谷泰菜算是不過不失 總說是還可值得再來encore 不過奈何兩個女生胃口有限 想多試好幾樣要花一點時間才行了/