大家樂 (已搬遷) 新店位置

呢晚同屋企人黎呢度打邊爐，由於呢間都幾多人。好彩有人搵定位，唔係就要等好耐。我地叫左兩個邊爐，一個豆乳湯同豬骨湯。食物講一講個湯，個豆乳湯好香豆味。比之前既好食。而個豬骨湯都唔差既，又唔會太鹹。食物都唔差，牛肉好新鮮同肥瘦均勻。蝦滑就好新鮮，又無乜雪味。好正架。肉丸就好入味，唔差啦。個火鍋下面係菜啦，無乜特別，不過都算幾新鮮既。八點半之後可以半價加配火鍋既食物，我地加左肥牛同響玲。響玲都幾好食，浸一陣就可以食架啦。飲品都係青檸梳打冰，好清涼。好有青檸味。服務由於係星期日既緣故，所以好多人。我地叫左呀姐加水，都要好耐先幫到我地。不過算啦，始終人太多，好難做得切。