Vision 8

捉緊聖誕節既尾巴，約左男朋友一齊去荃灣試一試呢間西餐，店員好貼心，會主動幫手收下碟、加下水。麵包🥯 & 跟餐餐湯 （忌廉湯）有3款唔同既麵包，口感質地都唔同，有咬落脆卜卜、鬆軟既、有韌度，搭配黑松露醬牛油，幾香唔錯👍。此外，忌廉湯稀稠度岩岩好，將麵包沾上餐湯食，口感更豐富。黑松露威靈頓牛柳 $368賣相好吸引，酥皮焗到金黃金黃色，咬落好酥脆，將牛柳緊緊包住，中間夾着黑松露蘑菇，好香濃既菌香味，另外，威靈頓牛柳香濃柔嫩，食落口感好豐富，必食之選！鮮菇蜆茄醬燴意大利麵 $168意大利麵食落幾彈牙，麵與茄醬比例岩岩好，茄醬味道酸甜適中，另外蜆份量都幾多，而且仲無沙，整體而言會再 encore 。