Sabatini 意大利餐廳

營業中

休息中

一定要Book位，果日去食個LUNCH，個場FULL左 ! 有等位時間，係因為早左到，個場未SET好，所以等左一陣。呢度行SEMI-BUFFET，星期六食LUNCH比較抵。朋友介紹我黎，佢話跟餐上既主菜同意粉唔係重點，但係我試過，覺得主菜同意粉都OK，當中意粉軟硬適中，比較出色。自助餐方面，絕大部份都對辦，搵唔到邊款可以彈。想特別介紹下聖安娜蛋糕同拿破崙 --- 冇錯，都係甜品，仲要係同類。但論味道，又真係好夾，朋友話其他地方食唔到聖安娜蛋糕，有可能係真既，起碼我自己就係第一次食囉。另外，個麵包布甸亦做得好好，可惜我只係食左一件，如果唔係怕飽，會食多件。