Total B (已結業)

Item: Total B
Rating: 4
Author: hk.eateateat

39 食評

味道

環境

服務

衛生

抵食

2421

荃灣

$51-100

西式漢堡包

hk.eateateat

等級4

707

午餐想食西餐，於是就黎左享成街呢間 Total B 到食。呢度裝修都幾特別，有種懷舊工業風既感覺，鋪頭比較細，同埋佢地係一人廚房，所以出品會慢啲，但係所有野食即叫即製，所有野都係用心之作🤤而且呢度既set lunch menu好似定期都會換，夠曬新鮮感。價錢黎講set lunch大概80-100蚊，包餐湯、飲品，仲要唔洗加一，都真係幾抵食！

1⃣️威靈頓栗子雞肉配烤菜及芝士忌廉焗薯（$108）
威靈頓牛就見過，威靈頓雞真係第一次見，而且仲要一百蚊多啲就食到，勁抵食！酥皮外層超脆，有牛油香，食落唔會覺得油。入面既雞肉好厚，雖然唔可以話係好嫩滑，但係都唔會乾唔會鞋，食落啖啖肉既感覺好正🤤另外同威靈頓牛加蘑菇蓉係入面唔同，呢個威靈頓雞係加左栗子蓉係入面，又係另一番風味😍栗子整成泥狀，不過仲有粒粒既口感，夾埋酥皮同雞肉一齊食超好味～伴碟仲有個忌廉焗薯，本身以為係薯蓉，但係原來入面係切片既薯仔😯薯仔片食落仲保留左少少爽脆既口感，但係亦唔會太硬，忌廉同芝士味都好香。呢個set lunch真係好好食好抵食，雞肉大大塊又好食，而且威靈頓雞肉呢個製法好費心機，希望佢會有一日可以長駐menu😋如果有既話，我一定會再黎食👍

2⃣️日式照燒牛肉漢堡（$82）
呢度既burger好大個啊😳見到都驚訝左一下。薯條灑上左啲香辣味粉，而且食得出啱啱炸出，夠脆👍 Burger入面有焦糖洋蔥、烤菠蘿、生菜、照燒汁同埋厚厚既一塊牛肉漢堡扒🤩包好脆身，而且見到入面搽滿左牛油，烘到金黃色夠曬香🥰牛肉漢堡扒食落都算juicy，不過就有啲鬆散，切開既時候好易碎開。成個包係好食既，不過其實冇乜可能可以一啖咬得落食到所有野😂不過食完真係幾滿足，係豐富既，而且個包真係好食，好脆好香🤤不過照燒汁味其實食唔到🤔

3⃣️黑蒜油蜆肉意粉（$94）
Set lunch 包餐湯，特別要提一下個餐湯，因為真係好正😯當日係南瓜忌廉湯，湯係比較結身既，飲得出真材實料，仲有食到少少煮淋曬既南瓜粒🎃蒜蓉包好脆好香，點埋個湯食冇得頂😋 意粉比較普通，味道比較清淡，如果怕膩既話呢個就啱曬。蜆肉細細粒都幾多。意粉雖然話係黑蒜油意粉，但係其實完全食唔到黑蒜油既味😅呢個有啲失望。