影片
更多
2018-08-24
1148 瀏覽
難得放假一早同朋友入左馬灣,走過馬灣舊村欣賞過當地既歷史痕跡,感覺自己既文青氣息即時多左唔少 至於比較出名既挪亞方舟我地就決定過門不入啦, 都係覺得自然景觀吸引D。沿路行到挪亞方舟旁既沙灘, 發現呢度原來有個商場仔, 不過就只有好幾間食肆, 見都已經中午時份, 於是同朋友一齊揀食邊間好。望左一望, 見到呢度有泰菜、德國菜、茶記 (冇開,好似執左咁樣)同一間西餐廳。通常呢D情況下都會覺得西餐應該都係最穩陣最唔伏, 所以同朋友都決定試試呢間西餐。呢間西餐喺商場既盡頭, 同其他唔同, 門面冇瓦遮頭, 天氣好既時候加上有D海風既話其實係幾正, 可以望住青馬橋個景食野, 加埋杯啤酒可以好chill好外國feel。不過老實講, 8月真心熱, 所以都係決定入室內涼下冷氣算, 見佢冷氣都幾夠勁唔知係咪閒日, 人唔算好多, 心諗可以慢慢食, 唔使好似其他地方咁食到趕頭趕命仲要趕住交檯。餐廳既staff埋黎比餐牌我地, 仲好nice咁提我地有lunch set食, 又會提議下有邊樣野好食咁。價錢黎講唔算貴, 其他地方既西餐lunch set都係咁上下價錢。不過今日個lunch set望落就唔太岩心水,所以
沿路行到挪亞方舟旁既沙灘, 發現呢度原來有個商場仔, 不過就只有好幾間食肆, 見都已經中午時份, 於是同朋友一齊揀食邊間好。望左一望, 見到呢度有泰菜、德國菜、茶記 (冇開,好似執左咁樣)同一間西餐廳。通常呢D情況下都會覺得西餐應該都係最穩陣最唔伏, 所以同朋友都決定試試呢間西餐。
呢間西餐喺商場既盡頭, 同其他唔同, 門面冇瓦遮頭, 天氣好既時候加上有D海風既話其實係幾正, 可以望住青馬橋個景食野, 加埋杯啤酒可以好chill好外國feel。不過老實講, 8月真心熱, 所以都係決定入室內涼下冷氣算, 見佢冷氣都幾夠勁
唔知係咪閒日, 人唔算好多, 心諗可以慢慢食, 唔使好似其他地方咁食到趕頭趕命仲要趕住交檯。餐廳既staff埋黎比餐牌我地, 仲好nice咁提我地有lunch set食, 又會提議下有邊樣野好食咁。
價錢黎講唔算貴, 其他地方既西餐lunch set都係咁上下價錢。不過今日個lunch set望落就唔太岩心水,所以都係散叫同友人share。
鋪仔細細黎講, 選擇都算幾多, 仲有多款pizza, 真心好奇佢地d pizza會係點樣。可惜, 本身胃口唔大, 唯有等多d人黎先一齊叫一個share。最後我地叫左份carbonara同一份黑毛豬扒share食。成日聽婆婆講, 要睇下一間酒樓好唔好食就要試下佢碟乾炒牛河 (其實只係佢自己鐘意食), 你問我呢, 就覺得要睇一間西餐好唔好食就要試下佢地碟carbonara, well, 其實係我自己鐘意食 落order後大概10分鐘左右上菜, 先來carbonara。
黑松露卡邦尼闊條麵
$148
83 瀏覽
0 讚好
0 留言
同我想像中有少少唔一樣, 醬汁比較多,但出奇地唔太杰身, creamy度岩岩好! 一般黎講其他地方食既carbonara醬汁唔會好多, 只係剛好掛到上意粉既份量, 所以有可能會越食越乾身, 但呢度既「變奏版」係有少少驚喜!原以為咁多醬汁會好膩, 結果係想像之外, 唔知係唔係因為用闊條麵, 所以多d醬汁會好d, 定係應該話佢地好慷慨好足料? 食落味道比我想像中香濃, 黑松露味好出但又未至於會搶晒d味, 好岩重口味人士! 話就話重口味, 但絕對唔咸, 碟上既parma ham同煙肉既咸香令整碟粉既味道調教得剛好! 真心覺得比好多餐廳賣既carbonara好食好多! 鐘意食creamy既人士岩晒!
同時發現餐牌上寫住佢地用既係一個叫Pasta Mancini既品牌, 聽落好似係勁野黎, 唔係都唔洗刻意寫出黎啦。
另一碟係黑毛豬扒, 件扒都算大件, 配料都好豐富! 有焦糖洋蔥、燒菠蘿、雜菜苗同肉汁。
香烤美國黑毛豬扒
$208
58 瀏覽
0 讚好
0 留言
菠蘿唔酸夠甜, 洋蔥經焦糖化後甜上加甜, 不過豬扒下既雜菜苗略嫌咸左少少。
至於主角黑毛豬扒, 向來覺得豬扒好難煎得好食, 最怕煎到又韌又「鞋」口同, 特別係厚身，又估佢唔到呢度既豬扒煎到岩岩好, 唔會overcook, 咬落去鬆軟, 絕對唔係落鬆肉粉好似茶記果類咁既鬆軟 (又或者應該話果種叫鬆散...), 而且帶少少脂肪香, 唔錯唔錯!
香烤美國黑毛豬扒
$208
51 瀏覽
0 讚好
0 留言
至於配上既肉汁, 我向來食肉比較鐘意食原味唔鐘意點汁, 所以冇用到啦。
雖然只係食左兩個dish, 但都覺得好滿足, 個人覺得佢地都係有心經營既。離開時見到佢地原來係無飲管伙伴, 願意身體力行推動環保, 仲run緊個campaign叫人多用環保食物袋同摺摺杯等, 令我覺得小店係要支持下既!
有機會再黎馬灣既話希望可以同多D朋友黎試佢地其他款式既野食啦!
p.s. 走時見到好似有佢地既職員影緊食物相, 係一隻燒雞, 好似幾足料咁 我問佢地可唔可以影張相, 佢地又ok wor! 雖然未試過, 但賣相幾吸引, 希望有機會試下!
張貼
