SuSoShu (已結業)

今次黎到尖沙咀食新派日本料理。近排返工好攰，所以想食好啲，今餐就叫咗Omakase包括有十一款日本新派菜式同甜品。櫻花蝦紫菜卷，炸得非常香脆。蟹肉甘蝦，蟹肉鮮甜，蝦肉彈牙再配上紫蘇花，有一種幾特別嘅味道。宮城縣鮮帆立貝刺身，帆立貝大大粒，入口鮮甜，食得出幾新鮮。鰹魚刺身用咗熟成嘅方法處理，熟成嘅方法令堅魚味更濃郁，再配埋炸洋蔥絲，個配搭幾得意。食A5和牛前廚師會以俾我哋睇吓牛肉煙燻果時的情況，牛肉配上煙霧嘅效果，仲會聞到淡淡的煙熏味道。招牌甜品「星空寒天甜品」，用咗碟豆花調製藍色出嚟，望落好似一個小型嘅富士山，山頂仲有少少金粉係面，清酒配上檸檬味道，味道非常清新。