影片
更多
2021-11-09
14 瀏覽
最近凍凍地，同朋友想搵一間食雞煲打邊爐嘅地方，所以就嚟咗呢間餐廳。餐廳環境幾舒服，整體都非常乾淨，唔會好似一般火鍋店咁地下黐立立，好污糟。另外我都欣賞佢啲枱好闊，佢嘅四人枱面積好大，就算叫好多嘢食都唔會出現放唔晒餸嘅問題👍🏻抵讚！仲有不得不提嘅係呢度嘅侍應服務態度好好，啲姨姨都超級有善👍🏻食物方面叫咗個招牌雞煲，雞煲有唔同嘅辣度可以選擇，我今次叫咗個唔辣嘅。雖然係唔辣，但係啲雞食落都好惹味，我最欣賞嘅係佢啲雞好多都好嫩滑，食落唔會好鞋口，而且啲骨唔會話太大件，每件食落去都啖啖肉，食得辣嘅朋友叫有辣嘅會更惹味！叫雞煲嘅重點之一係呢度竟然雞煲會免費送一碟牛肉!叫一隻雞甚至會有日本和牛添！一班朋友一齊share食勁抵！另外呢間舖頭最特別嘅係除咗可以食雞煲同打邊爐之外，仲可以叫泰國嘢食，打邊爐打到悶悶地都可以叫啲泰國餸。今次我就叫咗一個泰式串燒試吓，分別有雞牛豬每樣兩串，啲肉食落好夠味，配埋特製嘅花生醬汁，食落好惹味！配啤酒食一流👍🏻前菜我哋叫咗個豬頸肉沙律，沙律嘅醬汁本身辣辣地，豬頸肉味道都好正常，配埋啲菜一齊食中和返肥膩嘅感覺，幾清新 ！主菜方面叫咗個青咖喱牛腩煲，青咖喱唔係好辣，個煲入面
食物方面叫咗個招牌雞煲，雞煲有唔同嘅辣度可以選擇，我今次叫咗個唔辣嘅。雖然係唔辣，但係啲雞食落都好惹味，我最欣賞嘅係佢啲雞好多都好嫩滑，食落唔會好鞋口，而且啲骨唔會話太大件，每件食落去都啖啖肉，食得辣嘅朋友叫有辣嘅會更惹味！叫雞煲嘅重點之一係呢度竟然雞煲會免費送一碟牛肉!叫一隻雞甚至會有日本和牛添！一班朋友一齊share食勁抵！
另外呢間舖頭最特別嘅係除咗可以食雞煲同打邊爐之外，仲可以叫泰國嘢食，打邊爐打到悶悶地都可以叫啲泰國餸。今次我就叫咗一個泰式串燒試吓，分別有雞牛豬每樣兩串，啲肉食落好夠味，配埋特製嘅花生醬汁，食落好惹味！配啤酒食一流👍🏻
前菜我哋叫咗個豬頸肉沙律，沙律嘅醬汁本身辣辣地，豬頸肉味道都好正常，配埋啲菜一齊食中和返肥膩嘅感覺，幾清新 ！
主菜方面叫咗個青咖喱牛腩煲，青咖喱唔係好辣，個煲入面都幾足料，有好多舊都幾大塊嘅牛腩，牛肉食落去唔會好硬，煮到好淋好入味，配返碗飯一齊食簡直無得輸🤣
另外仲叫咗個蟹肉芒果炒飯，炒飯都非常足料，個飯上面鋪滿左蟹肉，蟹肉食落去味道都好鮮甜，入面嘅芒果都好大粒而且一啲都唔酸，配埋蟹肉同炒飯一齊食增添另一番口感👍🏻
最後食到咁滿足都叫咗個椰汁糕同埋椰汁冰，甜品同埋飲品味道都正常，我最欣賞嘅係佢飲品嘅份量都幾多，呢個價錢來講都幾抵飲👍🏻
張貼
