泰然 (長發廣場)

營業中

休息中

最近好想好想食泰國菜，同friend近近地去咗一間餐廳食，咁岩lunch time, 間餐廳都幾full, 除咗有打工仔，都仲見到有啲街坊嚟食侍應佢地都好friendly, 執枱好快手!! 就安排咗張枱比我地，枱上面已經有餐具同水餐廳係用QR code 落單，我地叫咗青咖哩雜菜蛋煲、馬拉盞通菜、泰式菠蘿海鮮炒飯，drink就order咗青檸梳打，同埋珍多冰!! 上菜速度好快，好快就放到成枱食物，好正!!! 青咖哩雜菜蛋煲: 好細心咁有個candle仔喺個煲下面heat住D青咖哩，青咖哩有好香既椰香味，個茄子細細粒，好好食!!!馬拉盞通菜: D通菜炒得好香口，又有D辣辣地，個份量好足!! 泰式菠蘿海鮮炒飯: 好好食呀呢個炒飯!! D菠蘿粒好多，甜甜地，仲有D魷魚燈，有兩隻青口同兩隻蝦，一人一隻岩岩好!! 青檸梳打: 係自己倒去個杯度，幾特別珍多冰: 有唔同jelly喺入面，超香椰奶味!! 正Strongly recommend this restaurant !!