喜泰味

營業中

休息中

都唔係第一次黎幫襯喇 泰國野香港開到四圍都係 質素都唔錯！上一次黎食晏 比佢嘅船麵吸引住 湯底好味😋今晚就黎試佢嘅晚餐 同媽媽兩個去撐枱腳 嗌左三個餸加配白飯燒牛肉沙律食得多木瓜沙律都有少少悶 今次試吓燒牛肉沙律 又幾好食喎 啲沙律菜入晒味 牛肉又好林 唔係肥牛嗰種啊 酸酸辣辣好開胃👍🏼原隻燒魷魚🦑 燒嘅時間都啱啱好 好香口好食嘅 咖喱軟殼蟹大概四至五件軟殼蟹 份量足夠 咖喱係完全唔辣嘅 有蛋花 甜甜地嗰種 都好啱撈飯食啊 所以亦都配左個白飯😄本來仲想嗌多個芒果糯米飯 但實在太飽喇 同媽媽兩個人食真係唔叫得幾多