川味雞烤魚大王 (隆亨商場) (已結業)

今日同朋友去咗食川菜。未到食飯時間店舖已經快要坐滿客！一坐低好想食烤魚，就二話不說點左原條烤鯇魚。嘩，一上枱心裡面嚇親一嚇，條魚個size大條到佔左半張枱！烤魚旁邊有唔少配菜，其中酸菜盡吸湯底精華。湯底麻香味獨特，香麻味十足之餘唔會太重口味，食完都唔覺得口渴！鯇魚好新鮮，魚肉鮮甜爽滑，一啲泥味都冇。食完條烤魚甪湯底打邊爐。打邊爐嘅用料都好新鮮，當中特級雪花肥牛非常讚，肉質鮮嫩，唔會太肥但有入口即溶嘅感覺。