影片
更多
2024-02-08
190 瀏覽
去完QEH喺附近食下午茶。見呢間新開嘅潮州粉麵店咁多人食就試下。✨清湯牛三寶米粉 $62有齊牛腩、牛筋、牛肚。湯底係用新鮮牛骨+牛腩熬成。有別於一般牛骨湯，呢度嘅會比較清澈同冇油膩感。而且食完唔會口渴。牛腩唔會好肥，肉帶筋膜有啲口感。牛筋軟滑，幾乎唔使咬。牛肚彈牙又唔會太韌。今次嗌咗米粉扣底（見到有入單）都份量好多。正常份量應該男仔都好夠飽。✨鮮蝦雲吞 $43鮮蝦雲吞同鮮蝦雲吞麵都係$43，淨食有7粒大粒飽滿其實好夠飽。餡料有豬肉嘅甜味同肉汁，仲有原隻鮮蝦。✨雞中翼 $33生炸雞翼熱辣辣脆卜卜，多汁又嫩滑，完全冇雪味。✨生菜 腩汁 $19有得配腩汁特別好味。一嚟到即刻諗起唔記得叫埋三寶米都加🤣。
去完QEH喺附近食下午茶。見呢間新開嘅潮州粉麵店咁多人食就試下。
✨清湯牛三寶米粉 $62
有齊牛腩、牛筋、牛肚。湯底係用新鮮牛骨+牛腩熬成。有別於一般牛骨湯，呢度嘅會比較清澈同冇油膩感。而且食完唔會口渴。牛腩唔會好肥，肉帶筋膜有啲口感。牛筋軟滑，幾乎唔使咬。牛肚彈牙又唔會太韌。
今次嗌咗米粉扣底（見到有入單）都份量好多。正常份量應該男仔都好夠飽。
✨鮮蝦雲吞 $43
鮮蝦雲吞同鮮蝦雲吞麵都係$43，淨食有7粒大粒飽滿其實好夠飽。餡料有豬肉嘅甜味同肉汁，仲有原隻鮮蝦。
✨雞中翼 $33
生炸雞翼熱辣辣脆卜卜，多汁又嫩滑，完全冇雪味。
✨生菜 腩汁 $19
有得配腩汁特別好味。一嚟到即刻諗起唔記得叫埋三寶米都加🤣。
張貼
