明苑粉麵茶餐廳 (已結業)

今晚去開旺角，見夜夜地，食咗個消夜，去咗旺角明苑粉麵茶餐廳。都成一點幾，依然坐滿約7成客。見咁多客人，應該都唔差。於是入去叫咗個牛肚麵再加杯凍奶茶。牛肚麵好多牛肚，约有7至8件，好有口感，好大件，非常入味，湯底都好正。唯獨杯奶茶無乜奶茶味，接近難飲。至於D店員態度一般，收銀的阿姐呆口呆面。好似無乜禮貌咁。環境算迫，可能客多。而且都算幾嘈。所以一食完就急急腳埋單走人。麵加凍飲，價錢是$48，還可以接受。