薯皇 (已結業)

可以單食焗薯的機會不多，有新小店有賣單件焗薯，當然要試!店子很小，差點走過了頭。餐單有焗薯及薄餅，既然焗薯係招牌菜，當然要焗薯吧! 老闆的廣東話不太好，只懂簡單幾句夠用的廣東話，我遇到有客人要求多加芝士他也聽不明白，不過他很好人，聽不懂也會對你笑。我用英文叫了一客American焗薯，老闆一聽英文當堂醒神哂。老闆會先到店後的爐裡面拿出薯仔，用刀界開，然後慢慢將薯肉弄成薯蓉，再加上配料就成，但老闆好好心機的壓薯蓉，所以一個焗薯由落單至遞給客人是需要一段時間的。老闆，既然咁多人幫襯，不如請多一個人啦。焗薯上面有沙律、芝士、兩種沙律醬及茄汁，我相信整薯蓉時有落牛油，所以薯仔本身都好香，不過沙律醬似乎太多，搶了薯味。一個焗薯，已經令我半飽，就成了我當日的午餐了，多謝 $26。