茶餐廳2.0 (已結業)

今日午餐去咗大埔超級城買外賣，見到呢間做疫情價外賣有折，所以就幫襯左。我哋兩個人，叫咗兩個餐。第一個係白汁野菌意大利飯，$88 ，另外如果加$10的話，就會有埋羅宋湯同埋飲品；另外一個就叫咗常餐，叫咗個鮮茄牛腩米粉，配埋多士、再加埋暗烈，然之後再加杯熱奶茶。價錢係$50。佢個白汁野菌意大利飯，返到屋企打開嘅時候，一打開盒，已經非常香，意大利飯粒粒分明，唔會黐埋一舊，而且有好香濃的黑松露味道，成盒飯都好creamy。再之後就係佢個羅宋湯，唔會飲落有好多茄膏味，反而青青甜甜，有蕃茄味，再加埋雜菜，少少辣，不錯。佢個鮮茄牛腩米粉，牛腩非常好食，肥膏再加埋肉，食落去滑得來又有肉感，不錯。再加埋牛油多士同埋Omelette，整體不錯。特別欣賞嘅就係佢個Omelette裏面除咗有火腿絲之外，仲有鮑魚絲，果然係升級版的👍凍好立克唔算太甜，而且都幾濃郁。