八番麵工房 Deluxe (已結業)

呢間餐廳，之前經過幾次都想黎，今次行過見無人，立即去幫襯！⭐️艾蒿冷麵配吉列炸雞好意外佢整得幾好食👍🏻，個麵汁清清地，少少鹹味，落埋蔥花同芥辣好清新😬，夏天食好解暑。炸雞連皮炸，口感香脆，入面肉質鮮嫩！推薦！⭐️燒鹿兒島黑豚丼鋪頭有個好大既串燒爐，黑豚肉即場燒烤，非常有bbq風味，食落有陣焦香，肉質多汁又有油花，配上大蔥絲同白飯，好夾👍🏻⭐️雜錦盛有秋葵，雞翼，雞丸子，雞軟骨，同菇。個人覺得雞丸子同雞翼都燒得幾好，面頭既燒烤醬都好惹味，叫一份黎大家share都不錯👍🏻。另外佢地環境都幾舒服同乾淨，如果好彩遇著有客人點串燒，仲可以睇下大廚係玻璃後面，用大火即場燒烤，大顯身手😬👍🏻。