鮮芋仙 (荃新天地)

營業中

休息中

今日黎開荃灣，食完晚餐之後仲好想食甜品，作為煙韌控既我好想食芋圓，上網睇到附近有間鮮芋仙就想買個外賣返屋企食啦。今次我就叫左芋圓6號，店員問要熱定凍，咁就口快快叫左凍啦，後尾等緊個外賣時細閱張餐牌先知原來凍既係冰底，驚拎到返屋企個陣啲冰已經融晒，不過外賣好快做好想改都改唔切啦。點知拎到返屋企時仲有少少冰係度，加埋融左少少冰後個黑糖糖水底既味岩岩好，唔太甜，好岩我既口味。粉粿同芋圓都好煙韌，真係好好食，份量都好多，粉條同珍珠都正常，總括黎講好食，性價比高。