影片
更多
2018-09-20
85 瀏覽
觀塘Mela Italian & Spanish Cuisine 森仔又帶吃貨女友去搵食啦。今次去到觀塘嘅Mela Italian & Spanish Cuisine 餐廳其實位於觀塘和牛頭角中間嘅工廠區。係工廠大廈嘅地下。係牛頭角果邊B6出口行過去，會快好多，大約行6分鐘度。好，講下餐廳個環境先。六個字簡單乾淨企理。雖則位於工廈地下，但環境好寧靜好舒適，唔會有壓迫感，係間幾有情調嘅西餐廳，又啱拍拖又啱同一班fd聚餐傾計。因為唔係好想食甜品又想試多少少想食嘅嘢，就選擇決定唔嗌啲二人餐，選擇咗單點多。PS感覺大set係抵食嘅。入返正題先😂😂我哋叫咗一個主菜再加$68轉set有埋巴拿火腿沙律、餐湯同嘢飲。嘢飲唔係得普通茶同咖，係有啲餐牌上嘅都可以揀☺出面好多餐廳係要加錢先有得轉，真係好好👍🏻最後我女朋友仔就跟原定計劃要咗杯熱嘅拉花cappuccino❤味道偏苦但好飲，咖啡控女友表示好飲同抵飲！有樣有內涵喎🤣另外，個沙津上面有幾塊巴拿火腿，平時我唔好火腿，但呢個火腿真係好好食！口感嘅韌度、質感都好正，係咸咸地，但女友怕咸都唔抗拒，食完想再食；沙律啲菜好鮮甜，好fresh，咬落好脆。上面加咗啲
森仔又帶吃貨女友去搵食啦。
今次去到觀塘嘅Mela Italian & Spanish Cuisine
餐廳其實位於觀塘和牛頭角中間嘅工廠區。係工廠大廈嘅地下。
係牛頭角果邊B6出口行過去，會快好多，大約行6分鐘度。
好，講下餐廳個環境先。六個字簡單乾淨企理。雖則位於工廈地下，但環境好寧靜好舒適，唔會有壓迫感，係間幾有情調嘅西餐廳，又啱拍拖又啱同一班fd聚餐傾計。
因為唔係好想食甜品又想試多少少想食嘅嘢，就選擇決定唔嗌啲二人餐，選擇咗單點多。PS感覺大set係抵食嘅。
入返正題先😂😂我哋叫咗一個主菜再加$68轉set有埋巴拿火腿沙律、餐湯同嘢飲。嘢飲唔係得普通茶同咖，係有啲餐牌上嘅都可以揀☺出面好多餐廳係要加錢先有得轉，真係好好👍🏻最後我女朋友仔就跟原定計劃要咗杯熱嘅拉花cappuccino❤味道偏苦但好飲，咖啡控女友表示好飲同抵飲！有樣有內涵喎🤣
另外，個沙津上面有幾塊巴拿火腿，平時我唔好火腿，但呢個火腿真係好好食！口感嘅韌度、質感都好正，係咸咸地，但女友怕咸都唔抗拒，食完想再食；沙律啲菜好鮮甜，好fresh，咬落好脆。上面加咗啲黑醋，甜甜地酸酸地幾開胃架！至於個份量都好夠兩個人食！
餐湯個味道同口感好特別，試唔出用咩料整，不過係有少少酸酸地。
開始講下主菜喇！首先我哋嗌咗個非常足料嘅西班牙海鮮飯，呢個係佢地嘅招牌菜嚟。呢個飯用鐵鍋上，可以keep住個溫度熱熱地，唔會因為凍晒而唔好食。個飯又煮得啱啱好，唔太硬唔太淋，而芡汁同飯撈得啱啱好，個汁有香濃嘅海鮮味，配搭得好好。配菜有好多蝦，蜆同魷魚，啲海鮮又甜又肥美又新鮮又煙韌，超抵食！特別係個蜆，無沙係重點！亦未見過肉質咁厚咁大隻，味道又一流嘅蜆！煮得好食而又帶到個鮮味出味真係第一次食到！
第二個主菜係鮮蜆手製扁意粉，大大隻嘅蜆肉同上面海鮮飯一樣，肉質鮮甜肥美，不過呢味嘅蜆就食到少少辣味同有少少蒜味 。煮法同配料唔一樣，帶出嘅味道當然唔一樣，但一樣帶到鮮味出嚟，證明佢地係調味同煮嘅過程都處理得好好。至於個手製扁意粉質感軟硬適中，比坊間嘅扁意粉薄身，口感好爽，帶到意粉嘅麥味😋好香嘅辣蒜味！🤤
勁大盆嘅黑松露薯條，兩個人食真係會食唔晒😭因為呢個薯條係粗條薯條，入面好多薯蓉，好易飽肚😂黑松露醬幾正，質地同味道都啱啱好，唔係好稀又唔會好稠，唔太濃又唔太淡，薯條脆卜卜又唔會好油，薯味好重好正，炸得好好，無論配茄汁定係黑松露醬都好，都係好正。
鴨肉鴨肝醬芝士香葱炸小丸子，肉丸好大粒，入面係滿滿實心嘅鴨肉，好香好濃郁嘅鮮鴨肉味。個外皮炸得好香脆。個醬好好食，唔太濃稠，似係搞拌咗嘅蓉，可以點埋個薯條。🤣
最後追加咗杯菠蘿汁，食咗咁多炸嘢，有杯juice飲下會舒服啲🤗
張貼
