Lockeroom Dining (譽發廣場) (已結業)

早前去過旺間一間幾好食，今次來油麻地依間食下，食物同樣好食，價錢經濟。是日精選沙律 (跟餐)爽口羅馬生菜一堆，加了香甜荔枝爆珠，淋上酸甜黑醋汁胃口大開。甘筍湯 (跟餐)味道清甜，食到甘筍碎粒粒口感。配埋蒜香牛油法包食，法包軟熟，好香蒜香味。法國野菌鮑魚雞肉香草醬意大利燴飯 $168用香草醬煮意大利飯的確少見亦相當好味，唔會好草青味，好鍾意個飯夠creamy唔會好膩，加埋野菌碎、雞肉碎好有口感，味道好夾，仲有隻口感彈牙的鮑魚，咬啖超滿足。新鮮水果紅茶 (跟餐)杯中果肉不少，飲落微甜口感清爽。鹹蛋黃小食拼盆 $118拼盆有雞翼、薯角、洋蔥圈、薯絲蝦和德國腸。撈左鹹蛋黃無得輸，件件鹹香惹味沙沙口感，而且炸得香脆肉嫩。法式焦糖燉蛋 $68賣相精緻，以蛋型玻璃器皿裝載燉蛋，薄薄的焦糖脆面，加上燉蛋口感細密幼滑，好好味。旁邊放左件千層酥，味道標準。朱古力心太軟 $68朱古力味濃，切開熱辣辣的朱古力漿流出，淋埋雲呢拿醬更加美味，慢慢歎甜品真係唔錯。