越瀧棧

營業中

休息中

今日响粉嶺禮賢會中學附近做嘢，經過門面滿有越南風嘅呢間食店，越南菜係我喜愛嘅菜款之一，睇睇門口餐牌，價位合理，晚餐就响呢度解決啦。店內環境明亮清雅，掛畫、裝飾都好有特色，可以見到店家嘅心思。選了二人套餐 (B)，再加一個小食。軟殼蟹紙米卷軟殼蟹炸得香脆熱辣辣，紙米卷包住軟殼蟹、甘筍絲、檬粉、青瓜絲、蘿蔔絲、生菜、九層塔，米紙軟韌適中，就咁食清香新鮮又爽口，點埋魚露更添風味，正。二人餐有小食作前菜，香茅雞翼、手打蝦餅。香茅雞翼皮脆肉嫩香味誘人，蝦餅新鮮熱辣辣，鮮味濃郁，做過手打蝦膠嘅人就會食得出，口感有手打嘅彈性，真材實料。香茅豬頸肉河粉河粉拎嚟時已經聞到好香，上面好多塊豬頸肉，下面有河粉、芽菜、洋蔥、蘿蔔。豬頸肉質爽口惹味唔肥膩，河粉夠滑，蘿蔔腍甜，個湯都好味。香茅豬扒撈檬檬粉上面鋪滿紅蘿蔔絲、青瓜絲、花生粒、炸蒜、蔥油同埋香茅豬扒。豬扒醃得入味，口感軟腍最鍾意食凍檬，檬粉夠乾爽有彈感，加埋酸辣魚露酸撈配料，好食又醒胃！馬拉盞炒芥蘭香噴噴好有鑊氣，芥蘭新鮮爽脆無渣，馬拉盞辣辣哋加咗蝦皮，又香又惹味！套餐包埋甜品，椰汁冰涼粉，椰汁好香，好味。成個套餐份量幾多，我哋食唔晒，好抵食！