郭仔記車仔麵 (已結業)

Lunch 時間入到 YOHO MALL 嘅 Foodeli 走咗一轉, 想食甜品所以唔想食咁飽, 場內幾檔麵檔最吸引嘅反而係傳統車仔麵檔,原因有二, 一路直入Foodeli 係 雞蛋仔, 班戟, 燒賣皇后, 堂食唔考慮, 跟住係炸雞, 燒臘, 肉餅飯, 見到都滯,唔駛食甜品, 第一間見到有綠色蔬菜, 有熱水蒸氣出現,胃口即刻返咗黎; 第二係左邊一間麵檔縮咗入死角, demo相唔多吸引, 右邊一間比車仔麵檔更大, 綜觀全檔,我對佢哋嘅衛生程度抱有懷疑, 懷疑到唔會幫襯。講返個target先, 有一般正車仔麵檔應有水準,餸份量不少, 蘿白勁甜,魷魚爽口,豬腸入味,豬紅爽滑......呢次豬皮就失咗手啦,元朗另一間分店食過唔錯的。點失手法呢,軟淋淋油淋淋兼有油膉味,極之懷疑隔夜賣淨,同行友人支持唔住送晒俾我食,真係多鬼謝晒......值得一提嘅係咖喱汁比小辣汁辣得多,食得少辣嘅友人又分咗一半咖喱汁俾我,真係辣啲。辣菜脯幾惹味。