貴川風味館 (已搬遷) 新店位置

今晚同男朋友慶祝，揸住架電單車又唔知食乜好，男朋友提議去旺角，食間佢中學時代經常食嘅米線。一入去間鋪頭已經聞到好香嘅酸辣味，我同男朋友即刻嗌咗個豬軟骨腐皮炸魚片小酸辣米線、麻辣豬耳同麻辣青瓜。碗米線嘅酸辣味道唔錯，無出面其他鋪頭米線咁酸，啱哂我唔食得太酸，又夠大碗，兩個人share都夠食，不過辣度就唔夠，下次應該要叫中或大辣。個麻辣豬耳同麻辣青瓜個汁都好夠味，又夠麻，唯一不足就係個青瓜有少少油炸味同拍得唔夠細粒，太大舊。