Rang Mahal Authentic Indian Cuisine (已結業)

作為從細就食咖哩，仲要只愛印度咖哩（無椰汁）的我。呢間是可以再食的top3 咖哩餐廳。 首先環境上： 坐位舒適。無一般正宗咖哩（講好味才計數）的簡陋感。另外一入門口已經聞到一股好香的咖哩味，成個人即刻想落訂了。 食物上： 我地叫左兩款咖哩，一個燉咖哩羊，另一個嚴格唔算咖哩，叫瑪沙拉烤雞。 要食咖哩要試兩樣： 1- 有無水味，因為煮的過程若落水技巧唔好或過多，煲咖哩就要有水味.....2: 辣感- 要看師傅用料有無加輕量的薄荷葉，讓辣感不單在口腔或舌尖辣（得個辣字）但回香留落喉嚨。 這間的咖哩卻有這種回香感，雖然蕃茄味稍微重左少少。 但無水味這個是值得推介。 相等相當出名的佐敦某間咖哩好食多。