芝脆雞 (已結業)

中午叫左個外賣餐，有兩個大薄餅(厚批)、飯和意粉各一、小食拼盤等等。個薄餅真係拍得住必X客，價錢仲要平一大截! 飯和意粉則不過不失，小食拼盤都OK，不過那些咖喱角似乎太乾。總括一而言呢個餐好抵食，總共都只係二百幾蚊(我唔記得左實數)，但份量應該夠最少6個人食! 我地果日得4個人(2男2女)，完全食唔晒，淨返好多pizza，要留返下午茶再食過!下次要試下佢D炸雞先! 我見D食友話佢地個炸雞仲好味過K字頭連鎖店，一定要試下。