友利冰室 x 勿當奴 (D2 Place TWO) (已結業)

唔知大家有幾耐無食過麥當勞呢😂？自從佢比人標籤做金拱門後，我都無乜點幫襯呢間我曾經好喜歡食既快餐店🥺不過依家有新開張既「友利冰室x勿當奴」就有類似既漢堡包食啦😍我都即刻去幫襯左～勿當奴2人餐 $98可以揀2款包，2款小食，再送薯條同飲品2杯～我地揀左「人血饅頭」同「將軍噢堡」；小食揀左「椒鹽燒賣」同「麥樂雞」；飲品原來除左可樂，有自家既奶茶同菊花茶揀～人血饅頭用個點心籠上😳個包對比個點心籠係超巨型，勁可愛😍原來佢係一個大饅頭，夾住厚切既蜜汁叉燒同厚蛋～佢既叉燒係勁厚切好足料！叉燒係瘦叉無乜肥膏～我自己一向唔喜歡肥叉就好鍾意，我朋友食開半肥瘦叉就覺得爭D，好睇個人品味！個蜜汁好香，配埋微甜既饅頭到好夾～個蛋好厚，蛋味都好夠！而且撈埋叉燒既蜜汁有少少甜蛋feel😂我個人覺得呢個包好特別好有crossover感覺～呢個人血饅頭真。食得津津有味🤭將軍噢堡做得同麥記既類名漢堡都有7-8成似！佢既汁比較咸d，頭一啖咬邊位多汁位覺得有d太咸，但食番中間多肉既位就岩岩好～入番2塊豬柳都唔會太薄，個豬柳肉味出D，同個汁都夾～小食先講薯條！佢係厚切而且薯味好濃，但炸得可以再脆d～椒鹽燒賣有4粒，椒鹽味唔夠