四喜冰室 (已結業)

今日同男朋友行完九龍灣之後，就諗住搵個茶餐廳食個快快趣嘅晚餐，我哋見到一間裝修都幾靚嘅冰室！入到去佢哋嘅店員都非常友善和親切，加上佢哋嘅服務態度非常良好💯泡菜雞扒小窩烏冬 $58今天我哋兩個叫嘅菜式都係全日Menu，我就叫咗個自己最鍾意嘅泡菜雞扒湯烏冬，自己平時喺屋企都好鍾意煮泡菜湯，呢度嘅泡菜湯都非常濃郁，加埋落烏冬一齊食，烏冬都非常之入味！秘製蔥油雞扒炒蛋飯 $52男朋友我就叫咗個蔥油雞扒炒蛋飯，佢哋嘅蔥油非常邪惡但係真係非常之香，加個蔥油落去個雞扒炒蛋飯度，令到成個炒蛋飯變得更香！而且佢嘅炒飯抄到粒粒分明非常乾身😋