新樂園魚蛋粉

營業中

休息中

今日同朋友突然想食魚蛋粉，見到呢間魚蛋粉老店就入去試下，見佢係將軍澳都有幾間分店，我哋就選擇左最近既呢間分店試下😋我哋嗌左原汁牛腩淨食同埋一碗潮州四寶河粉share講左淨食先，牛腩淨食既份量比我哋預期多，底層有唔少生菜去油膩感。牛腩偏瘦脂肪比例唔多，但係食落一啲都唔韌，沾埋佢啲腩汁食好入味👍🏻底層既生菜都好重腩汁味，鐘意食牛腩既可以一試。另外潮州四寶河入邊有魚蛋，魚皮餃，魚片，札肉，墨魚丸同埋牛丸。佢呢度啲丸食落都好彈牙，魚皮餃皮餡料都多，最鐘意食佢魚蛋同魚片，食落一啲都唔腥。另外湯底好清，唔加調味料都夠味，食完都唔會口渴。另外河粉份量都唔少，食落唔淋。魚蛋粉老店，好食價錢又親民👍🏻