台角

營業中

休息中

香港呢排非常之輕食鴨血呢樣嘢，我自己都有成日適合鴨血，有時會試過去超市都自己買來整，不過真係爭啲嘅，食鴨血係一個台灣嘅文化，所以可能因為香港非常之鍾意台灣嘅文化所以香港成日都會有鴨血可以買。👍👍👍而我自己本身就係一個非常之鐘意食台灣野嘅人嚟嘅，亦都非常之鍾意台灣文化，所以見到呢一間台灣外賣小食店，第一時間就行過去睇吓有啲乜嘢食，比我見到有鴨血當然諗都唔使諗啦。招牌麻辣鴨血套餐 $40呢個價錢可以食到鴨血真係非常之平，自己去超市買都唔止呢個價錢，仲要自己煮自己調味，呢個真係非常之方便，仲有麻辣嘅味道，麻辣配去鴨血度真係非常之配搭鴨血份量都幾多加埋嗰啲粉可以食埋佢，其實都幾飽肚，呢個價錢真係非常之抵。炸地瓜球呢個炸出來入邊係地瓜嚟嘅，可以揸到成個波咁真係非常之好玩，唔知可唔可以攞嚟打乒乓波，哈哈哈其實我係講笑嘅啫，其實佢入邊係非常之好食，出邊係炸到好脆卜卜嘅，入邊真係地瓜嗰種質地。呢個價錢好食得來又好玩真係唔係咁多小店可以做得到，支持支持。