正斗滷鵝

營業中

休息中

平日經過堅尼地城呢間小店，黃昏時間好多時都人頭湧湧，都會有條人龍排隊買外賣，心入面已經記住有機會要來呢一度買招牌滷水鵝試吓😝今日晚餐時間經過，發現人不多，老公又想食滷水鵝，我哋就一人點一份滷水鵝片飯（無骨）外賣，另外，外賣飯盒附送仲例湯一份👍🏻鵝片飯份量好大，有八片滷水鵝，另外仲有三件豆腐，同埋少量酸菜，飯嘅份量都好多。滷水鵝片入味，酸菜非常開胃，滷水鵝片嘅汁好夾啲飯，成個飯盒都好好味😋另外，例湯係蕃茄蘿蔔湯，清甜好飲，感覺冇咩味精，下次會再試下呢度其他嘢食。