第一腸粉專賣店

營業中

休息中

自從冇返工之後，日日lunch都唔知食乜，但同時又唔想食得太飽，見今日去開太子，突然諗到去呢間第一腸粉專門店。呢間曾經入過米芝蓮推介名單，實在值得去試試！其實佢地既service都唔係特別既好，不過食餐飯啫，冇咩所謂啦！佢地都有盅飯供應，不過自己個人就最中意叉燒腸同蘿蔔糕了！佢地話腸粉最重要夠軟夠滑，限定腸粉蒸一分鐘，確保唔會過熟，而我最中意佢地既腸粉整得夠薄，食起來非常夠滑！而蘿蔔糕佢地以蒸嘅方法，而且佢地既蘿蔔糕唔係切絲，而係切條的。一條條粗嘅蘿蔔夾喺入面，超級足料！加埋豉油，好好食的！去到太子附近食條腸粉當下午茶都唔錯啊！