街知巷聞 (已結業)

本身唔係話太鐘意食糯米滋，但行經此地，朋友又話想食，咁就買廿蚊試吓。糯米滋有好多口味供選擇，而且賣相好靚，唔同味道有唔同顏色，仲有其他既糕點望落都唔錯。咁就買六粒糯米滋試吓，有芒果奶皇、黑芝麻和香蕉朱古力各兩粒，我和朋友每人食三粒。黑芝麻算係最傳統既一款，但佢比我在酒樓食開既好，皮好軟熟亦好煙韌，口感好正。芒果奶皇亦不會遜位，好香芒果味，仲有芒果肉，感覺好清新。最特別既香蕉朱古力亦有驚喜，有香濃既朱古力醬夾雜住少少香蕉肉，好新鮮。雖然對佢的味道和賣相都有好高既評價，但吹毛求痴ｄ講，佢係太"漏"，食三粒之後感覺唔係話好飽，但係就"漏"到食唔落其他野。