Oliver's Super Sandwiches (已結業)

時間係早上8點，因為出面天氣太熱，所以走咗去行商場，又唔想食大家樂嗰啲快餐，所以最後走咗嚟幫襯呢間~奧利華超級三文治嘅早餐。睇餐牌係好高質素，最後叫咗呢個套餐，轉凍飲要加6蚊，埋單多謝50蚊。食咗之後，坦白講普通貨色，個蕃茄湯好濃， 但係螺絲粉數得出唔超過10嚿， 塊蛋同條腸都好好食，薯餅夠脆，不過多士就硬咗啲，可能因為太早嘅關係，商場冷氣唔係太夠。但勝在冇乜人，食得都好舒服，座位方面都唔錯，侍應都好殷勤幫手取餐同埋執枱，清潔程度滿分。