隆抄手

營業中

休息中

今日同老公特登過嚟試！佢越叫越多嘢，食到我好飽，不過真心好食而且價錢抵。擔擔麵我覺得仲好食過家上海，好足料好濃花生，不過有少少膩。紅油醬牛肉拌麵，啲牛肉好腍，拌麵好夠份量，我覺得好好味而且唔油，不過老公鍾意食擔擔麵多啲。小籠包正常都好食，但係唔會覺得有特別大驚喜，紅油炒手同雞絲粉皮都好好食，而且加$10嘅小食份量一啲都唔少，老公追加嗰個手抓餅，依個真係驚喜啦！$20超級好食，一定要試，$18鍋貼2隻亦都唔錯，皮好脆而且餡料脹卜卜，整體好滿意同好滿足，如果經過會再試。