章魚船 (已結業)

今日中午試新野，叫咗章魚船熱狗和魚生飯加炸多春魚和薯條外賣，叧外有兩杯沙冰和珍珠奶茶。薯條和炸多春魚即叫即整，炸得好靚，又脆又好食。魚生飯新鮮厚切，分量都唔少。熱狗種類多，都是即叫即整，所以外賣自取攞到返屋企都仲係好熱，好新鮮又好食。價錢非常公道而且份量充足，老細服務親切，細心又有禮貌，而且佢地會將條熱狗分開兩份，等你食得冇咁麻煩，非常照顧外賣客。不過因為係即叫即整，所以落order之後要多啲時間等，要比少少耐性。