影片
更多
2014-08-31
3172 瀏覽
柑太今日返完工好肚餓，提議去食韓國野，早排又睇左雜誌介紹韓烤，佢就好懷念以前去韓國食韓烤既回憶，咁岩呢間又同佢以前去韓國食過既風格最近，於是就去幫襯啦。去到大門時，時間仲好早，六點剛到，但都已經有人係度燒緊，問問侍應要唔要等位，唔駛就即時入席。入到去發覺地方好大，廿張檯，每張坐六七個既話，高峰應該可以坐到過百人。而佢地又好識得利用空間，客人坐既椅係可以抽起個坐塾，然後放個人物件入去既圓桶型椅，咁樣就可以避免客人將手袋背囊放係椅上而吸晒油煙(雖然都無乜油煙，後述)，而又可以多出空間坐多幾個人，有心思。裝潢好有韓國小店既風味，每張檯都有獨立既抽油煙機，後來發覺佢地抽油煙機油吸力好勁，基本上食完係無乜油煙係身。而多木既裝潢，古典風味之餘，仲令人覺得自己置身係韓國咁，足見老細下過心希望係韓燒林立既地方突圍而出。侍應見我地坐底後即刻上前菜配料，手腳好快，醬料方面，韓式燒烤醬食落有輕微既辣辣感，生蒜頭就無乜蒜味，其他兩隻醬我食唔出係乜野黎...由於唔食芽菜，果個芽菜件韓醬我比左柑太食，佢話一般無乜特別。蔬菜有好多生菜，用黎夾燒好既五花腩食真係好方便好好味，而紅蘿蔔同薯片燒左之後非常好食，薯片燒完後
去到大門時，時間仲好早，六點剛到，但都已經有人係度燒緊，問問侍應要唔要等位，唔駛就即時入席。
入到去發覺地方好大，廿張檯，每張坐六七個既話，高峰應該可以坐到過百人。而佢地又好識得利用空間，客人坐既椅係可以抽起個坐塾，然後放個人物件入去既圓桶型椅，咁樣就可以避免客人將手袋背囊放係椅上而吸晒油煙(雖然都無乜油煙，後述)，而又可以多出空間坐多幾個人，有心思。裝潢好有韓國小店既風味，每張檯都有獨立既抽油煙機，後來發覺佢地抽油煙機油吸力好勁，基本上食完係無乜油煙係身。而多木既裝潢，古典風味之餘，仲令人覺得自己置身係韓國咁，足見老細下過心希望係韓燒林立既地方突圍而出。
侍應見我地坐底後即刻上前菜配料，手腳好快，醬料方面，韓式燒烤醬食落有輕微既辣辣感，生蒜頭就無乜蒜味，其他兩隻醬我食唔出係乜野黎...由於唔食芽菜，果個芽菜件韓醬我比左柑太食，佢話一般無乜特別。
蔬菜有好多生菜，用黎夾燒好既五花腩食真係好方便好好味，而紅蘿蔔同薯片燒左之後非常好食，薯片燒完後仲好脆添。
洋蔥配黑胡椒食落唔辣，反而帶有鮮甜口感，食完熱辣辣既燒肉，食番少少洋蔥可以洗左口入面果種油膩感覺，配上黑胡椒可以醒胃，刺激食欲。
燒烤爐除左中間燒肉既位置仲有旁邊三格，侍應分別會添入芝士粟米、蛋漿、洋蔥蒜片。蛋漿會隨著爐火熱力而變左玉子燒，食落好滑，燒好既洋蔥蒜片配酒就絕對係一流既伴酒小食。芝士粟米可以話代替左飯，全部三樣野都可以不停添加，真係食呢D都唔駛再叫飯。
我地左護心肉($150/200g)、五花腩($110/150g)、牛舌($130/150g)，石鍋飯(雞肉)，護心肉200g分量好多，每粒都切得剛好可以一口食，而燒既時間又唔會太耐，入口甜美，唔油膩，真係可以食緊一啖又燒定第二啖。
戲肉既五花腩黎啦，佢地應該係做得最地道既韓式燒五花腩，成條上，成條燒，燒好先用剪剪開，配上生菜包黎食真係無得頂。不過呢條五花腩比較肥，差唔多係半肉半糕，燒到d肉熟晒，仲有好大舊既糕未燒完，好在食落好腍唔韌，同埋唔算太油膩，150g既分量其實只夠1.5人分，如果人多可以要叫多d先夠食。
我食果陣就將五花腩加燒烤醬再加燒好既玉子燒夾住生菜一野車入口，幾種唔同既食材係口內溶化，多汁且軟熟既五花腩，配上滑膩既玉子燒，微辣刺激口感既燒烤醬，加埋爽脆既生菜，真係識食一定要咁食
到左個牛舌就即時反高潮啦，分量好多，但一燒一食就發覺好硬，好韌，食唔到牛味，初初以為係燒得耐，但之後燒10秒就食都係相同現象。石鍋飯方面都係平平無奇，唔叫亦唔會有損失。
呢間店請左唔少韓國人做侍應，不過佢地都識聽英文，有少部份仲識廣東話，溝通上無問題。最重要係呢間店係可以自携酒水入場，如果三五知己黎到，可以去附近既韓式超市買支米酒或者果汁入場慢慢嘆！
張貼
