蓉芳 (已結業)

經過見到新開，就入去試吓質素，叫咗一個豬扒飯外貌普普通通，估唔到有幾好食，豬扒好鬆脆，食物質素唔錯吧想稱讚一下佢哋嘅員工服務態度好好，安排座位都很好，雖然唔係高級餐廳，但佢地好有笑容唔會黑口黑面！餐牌價錢唔會好貴，地方闊落，適合家庭去食，質素環境幾好，下次試埋佢晚餐先，今次試咗佢地午餐，其實佢哋個餐牌都好多元化，好多種類，實有一樣啱口味，招呼好好，因為我話想坐窗口位，員工立即安排！佢哋個奶茶都好香滑，佢個朱古力西多士幾有特色可以試吓，又脆又香，唯一唔好就係唔夠多朱古力醬下次叫店員加多少少先，因為本人太鍾意好食朱古力店員得閒嘅時候都會周圍抹下枱清潔，感覺上餐廳幾衛生，走嘅時候店員仲有溫馨嘅一句（多謝晒🥰拜拜）