茶茶台式料理 (已結業)

入到黎呢間台式餐廳，叫左個鹽酥鷄扒滷肉飯、小香腸滷肉飯、同蟹肉芝士肉鬆蛋餅，飲品就叫左杯奶蓋莓莓。先講鹽酥鷄扒滷肉飯，鹽酥鷄扒外皮非常鬆脆，一d都唔會覺得厚。粉與肉之間有黏黏煙韌ge質感，炸粉調味亦非常好食，整體整個鷄扒好高質！而小香腸滷肉飯，香腸有甜甜地ge味道亦帶有好香油味，雖無鹽酥鷄扒甘特別出色但亦係好食ge。蟹肉芝士肉鬆蛋餅方面，就唔好太期望好大蟹味，但蛋味十足！濃濃蛋香再加上醬汁，錦上天花。最後，飲品我覺得其實都好出色。奶蓋莓莓除左奶蓋可能外表比較散之外，成杯飲品味道真係不比出面d台式飲品專門店遜色！奶蓋味道非常香濃，好好飲！整體尼講，食物高質！仲成日唔太洗排隊就入得去食，非常推薦！