The Vigor (水渠道) (已結業)

今日去開金魚街買野，見到落雨就想買外賣返屋企慢慢食。行行下見到呢間西餐小店，又有小食又有意粉，就決定試下佢。見到佢有個二人餐好似幾抵食就叫佢啦。我哋要左兩份單骨雞翼，一份香草煙三文魚帶子炒意粉，另外兩份小食補錢要左一份雜菌炒露荀同一份秘製醬油肥牛炒腸粉。好快拎到返屋企，熱辣辣就有得食。雞翼有脆香雞翼嘅感覺，好脆好香口。炒意粉好大份，好入味，配料好多，就算外賣拎返屋企仲keep到爽口嘅感覺。兩份小食都好好食，露荀好香好入味，炒腸粉個秘製醬油好好食，食完一條又一條。如果過開嚟，推薦俾大家試下架！