影片
更多
2019-07-10
644 瀏覽
同個好耐無見嘅朋友響銅鑼灣周圍行吹下水，講講下已經夜晚九點幾；又唔係好餓但又想坐低食啲嘢繼續傾下偈，朋友就介紹左永光中心嘅塩玉居酒屋食串燒。我都幾鍾意食串燒，雖然熱氣，久唔久食下都唔錯。哩間塩玉我係第一次去。可能因為係星期日晚九點幾 + 樓上舖，我地上到去唔算多客人，一入就有位，我地要坐吧枱，服務員當然話無問題。食串燒，可以的話梗係坐吧枱，可以望到師傅做嘢，又可以聽到師傅介紹下啲串燒，係完全另一種飲食體驗。先來一杯日本K字頭生啤，行到熱熱地，飲下啤酒即刻涼爽哂。唔係好餓，小試牛刀，先叫左幾款串燒黎試下。雞腎 / 雞軟骨：好食! 燒得啱啱好，外面又香又脆，而且鹽燒，只用鹽輕輕調味，一啲都唔複雜，食到佢個食材味道同爽口嘅質地。燒雞翼: 又係好食，雖然平時我係唔會食雞皮，但哩個都忍唔住偷食左少少 (個三角位)，外皮燒得脆，而入邊啲雞肉仲要燒得啱啱好，仲可以保持又滑又夠肉汁。雞肝: 哩個係汁燒，燒汁味濃，都好食嘅，不過唔係香口嗰啲質感，肝味都好重，但絕無內臟腥味。燒雞心 (食左一粒): 之前去另一間串燒 X亭，成日都想食雞心，但成日都好快賣哂...哩個鹽燒雞心最開心就係食到爽口嘅心肌肉! 食食
我都幾鍾意食串燒，雖然熱氣，久唔久食下都唔錯。哩間塩玉我係第一次去。可能因為係星期日晚九點幾 + 樓上舖，我地上到去唔算多客人，一入就有位，我地要坐吧枱，服務員當然話無問題。食串燒，可以的話梗係坐吧枱，可以望到師傅做嘢，又可以聽到師傅介紹下啲串燒，係完全另一種飲食體驗。
先來一杯日本K字頭生啤，行到熱熱地，飲下啤酒即刻涼爽哂。唔係好餓，小試牛刀，先叫左幾款串燒黎試下。
雞腎 / 雞軟骨：好食! 燒得啱啱好，外面又香又脆，而且鹽燒，只用鹽輕輕調味，一啲都唔複雜，食到佢個食材味道同爽口嘅質地。
燒雞翼: 又係好食，雖然平時我係唔會食雞皮，但哩個都忍唔住偷食左少少 (個三角位)，外皮燒得脆，而入邊啲雞肉仲要燒得啱啱好，仲可以保持又滑又夠肉汁。
雞肝: 哩個係汁燒，燒汁味濃，都好食嘅，不過唔係香口嗰啲質感，肝味都好重，但絕無內臟腥味。
燒雞心 (食左一粒): 之前去另一間串燒 X亭，成日都想食雞心，但成日都好快賣哂...哩個鹽燒雞心最開心就係食到爽口嘅心肌肉! 食食下，見到牆上邊個黑板寫有燒香魚(Ayu)食，問下師傅仲有冇，居然仲有一條，咁當然要即刻叫，因為雖然佢係哩個季節嘅魚，響日本夏季食懷石有時都會食到，但香港就唔係度度都有得食。
燒香魚: 哩個要等耐啲，條魚一上枱，服務員就介紹個汁係用左香魚出沒嘅河邊生長嘅草(唔記得叫咩名)黎做，係師傅再加左其他材料自家製嘅點魚汁。微微citrus味唔太酸，除左可以點魚肉之外，仲可以點魚肝食，因為香魚肝好多人覺得苦，但就係哩隻甘甘地嘅味，加埋酸汁就非常好食。不過要小心，因為好多細骨。
食串燒，一邊食一邊飲一邊傾下偈的確唔錯。不過今次只係食燒物類，我見佢餐牌其實仲有好多和食同埋空運刺身，所以下次一定要再黎食埋其他嘢。其實樓上舖真係有好多好嘢，不過唔知頭唔知路好難會盪到上去，或者一抬頭望水牌咁多餐廳亦唔知邊間好；所以食到好嘢不妨要多啲介紹比朋友。
張貼
