影片
更多
2011-05-30
183 瀏覽
年頭走了轉潮州，印象最好既係果到既鹵水汁，香濃有層次，到而家都回味。去完未夠半年，是日飯局係潮菜，又試試這間潮州邨既水準。鹵水野，試左鵝片、腎、肝、墨魚片、掌翼，原先想試埋鵝腸，黎錯左，算吧。鹵水，硬要跟潮州濃味的相比係唔太公平，始終我知道的鹵水系也有兩種，不過如果係清淡的滷水系，這裡的也真係未免清淡得滯，如果這裡的係濃味派系，我真係無言了。其實淡身也可以入味，不過幾款只有掌翼較為入味，鵝片就真係唔多入味。鵝片未算軟腍不過唔嚡口，算不錯了；肝溶溶地，食落甘香，係好食既一款；掌翼肥美，夠腍，都幾好；其他果d就大路穩陣，腎夠爽墨魚片彈牙。墊底的豆腐幾多，不過都係唔多入味。香酥鴨，簡單一句可以形容係外脆內軟。這裡的色澤夠金黃，好多地方都係食落成口芋茸餡，呢到幾balance，有芋香同鴨香味，係做得幾好的一款。石榴雞，一包包，人手整，係功夫野，亦係是夜云云菜色，最為清淡的一款，清淡，顯得更突出，皮薄薄，包著既餡料食落爽脆。椒鹽白飯魚，白飯魚夠大條，炸漿薄薄，有點蛋香，白飯魚唔會腍哂，係炸野既功夫，面頭灑了少少七味粉，夠惹味，送酒的一款。凍馬友，凍魚唔會太凍，太凍就硬，這裡的剛好，魚味夠鮮美，魚
鹵水野，試左鵝片、腎、肝、墨魚片、掌翼，原先想試埋鵝腸，黎錯左，算吧。鹵水，硬要跟潮州濃味的相比係唔太公平，始終我知道的鹵水系也有兩種，不過如果係清淡的滷水系，這裡的也真係未免清淡得滯，如果這裡的係濃味派系，我真係無言了。其實淡身也可以入味，不過幾款只有掌翼較為入味，鵝片就真係唔多入味。鵝片未算軟腍不過唔嚡口，算不錯了；肝溶溶地，食落甘香，係好食既一款；掌翼肥美，夠腍，都幾好；其他果d就大路穩陣，腎夠爽墨魚片彈牙。墊底的豆腐幾多，不過都係唔多入味。
香酥鴨，簡單一句可以形容係外脆內軟。這裡的色澤夠金黃，好多地方都係食落成口芋茸餡，呢到幾balance，有芋香同鴨香味，係做得幾好的一款。
石榴雞，一包包，人手整，係功夫野，亦係是夜云云菜色，最為清淡的一款，清淡，顯得更突出，皮薄薄，包著既餡料食落爽脆。
椒鹽白飯魚，白飯魚夠大條，炸漿薄薄，有點蛋香，白飯魚唔會腍哂，係炸野既功夫，面頭灑了少少七味粉，夠惹味，送酒的一款。
凍馬友，凍魚唔會太凍，太凍就硬，這裡的剛好，魚味夠鮮美，魚味比烏頭更濃，食落魚肉夠結實，係好食既凍馬友。豆醬就稍為偏咸了點，不過淨食魚唔要醬已經好好味。
方魚炒芥蘭，炒得嫩身，食落爽口，已經收貨。
蠔餅，有幾香鴨蛋味，有幾多蠔，蠔食落算係唔錯。不過邊位唔多脆，同埋食落都幾油，啖啖油既感覺，印象中以前既德記既蠔餅係幾唔錯，不過而家水準都麻麻地。
反沙芋，芋頭夠粉腍，很有芋香，薄薄既砂糖，個人覺得可以再甜一點既反沙芋。
整體黎講，食物係覺得鹵水野未夠入味，入味d會更好，其他菜色既水準也不錯。店子小小，小菜館隔局，不過都唔係迫迫窄窄，也沒投訴既地方。是日叫得太多，好飽。
張貼
