小肥羊 (已結業)

本人今個月生日,所以一班舊同事一行6個人連同小妹去左小肥羊食任食火鍋!,本人第一次幫襯此店是在深圳的,當然在深圳係平好多,但我覺得在香港食的也不算貴!一行人大約9:00p.m.入座一路食到11:30p.m.首先,一坐低waiter就放低左2大碟海鮮拼盆,內有好多樣野,有蝦,珊瑚蚌,墨魚,牛肉,青口等等十幾樣...另外,仲有3碟羊片送!淨係食佢送既都已經好飽啦!當晚還叫了2支啤酒,所以計埋其他任叫的食物,食得小妹好鬼飽,好滿足呀!埋單總共連加一剛剛700大元,比我預算的平!由於小妹生日不用付,所以佢地一人140元!值得一讚是牛肉,叫左好多碟都源源不絕,唔似其他嗰d任食酒樓要等好耐都唔黎!