夢咖啡館 (已結業)

呢日去西九龍中心行蘋果商場，突然發現密集式嘅走廊舖頭中竟然發現左入面有間幾靚嘅cafe(唔記得影低添)。於是就坐低試下啦，唔太肚餓就叫左個下午茶餐食Blueberry Cheese Cake飲杯叫"美祿恐龍"嘅野;我朋友就叫左瑞士雞翼飲抹茶牛奶。食物方面味道的確唔錯,不過聽侍應講佢地最有特色嘅係窩夫同另一樣唔記得左，而飲品方式特別想講朋友個抹茶牛奶，我飲左一啖，都認同比起平時一般好甜嘅味道，呢杯帶較多茶香嘅抹茶牛奶真係洽到好處。另外仲想講呢度嘅侍應好友善，周圍同客人會傾下計講下笑，抵讚。