影片
更多
2017-12-06
54 瀏覽
一直以來都覺得係旺角搵食都係一件幾難嘅事，因為食店太多好易中伏。所以今次要朋友提議話去旺角食嗰陣我都有小小保留，但係最後無論係價錢同質素都驚喜到我，而呢間餐廳就叫水蜜桃冰室。 今次去嘅餐廳係間格上同而家喺女人街餐廳差唔多，但店主係牆身就擺放左好多有趣嘅裝飾。 佢提供嘅嘢食種類都好多，我哋就揀咗比較推介嘅牛扒、滑蛋鰻魚飯同埋雞肉墨魚麵。 佢其中一個特色就係每一個套餐都可以跟一份小食，咁我哋就試咗幾款包括有芝士焗西蘭花，日式炸薯餅以及芝士焗田螺。 先來嘅係芝士西蘭花，西蘭花爽口大任唔會過淋，配合「極邪惡」嘅拉絲芝士真係集天使與魔鬼於一身。 日式炸薯餅炸得鬆脆可口，會令人忍唔住一個人就食曬成份。 芝士焗田螺就芝士味非常之濃仲要可以拉絲，配合鮮甜嘅螺肉，會不知不覺係餐前已經吸收有勁多卡路里。 佢跟餐嘅餐湯可以升級酥皮湯。一般餐廳提供嘅酥皮湯都只係焗定嘅周打峴湯，但呢度每一個酥皮湯都係即叫即焗，紅湯都有可以轉，忍唔住就試埋呢個好香牛油味嘅酥皮紅湯。 第一到上嘅主菜就係鐵板牛扒。呢度嘅鐵板牛扒有一個特別之處，就係佢倒一啲酒精再點燃，做出有火炙嘅效果，啱曬相機先食嘅人。火灸令到牛扒帶有少少嘅焦香，而
今次去嘅餐廳係間格上同而家喺女人街餐廳差唔多，但店主係牆身就擺放左好多有趣嘅裝飾。
佢提供嘅嘢食種類都好多，我哋就揀咗比較推介嘅牛扒、滑蛋鰻魚飯同埋雞肉墨魚麵。
佢其中一個特色就係每一個套餐都可以跟一份小食，咁我哋就試咗幾款包括有芝士焗西蘭花，日式炸薯餅以及芝士焗田螺。
先來嘅係芝士西蘭花，西蘭花爽口大任唔會過淋，配合「極邪惡」嘅拉絲芝士真係集天使與魔鬼於一身。
日式炸薯餅炸得鬆脆可口，會令人忍唔住一個人就食曬成份。
芝士焗田螺就芝士味非常之濃仲要可以拉絲，配合鮮甜嘅螺肉，會不知不覺係餐前已經吸收有勁多卡路里。
佢跟餐嘅餐湯可以升級酥皮湯。一般餐廳提供嘅酥皮湯都只係焗定嘅周打峴湯，但呢度每一個酥皮湯都係即叫即焗，紅湯都有可以轉，忍唔住就試埋呢個好香牛油味嘅酥皮紅湯。
第一到上嘅主菜就係鐵板牛扒。呢度嘅鐵板牛扒有一個特別之處，就係佢倒一啲酒精再點燃，做出有火炙嘅效果，啱曬相機先食嘅人。火灸令到牛扒帶有少少嘅焦香，而且本身佢肉味好濃，非常推介。要留意嘅係鐵板再加火燒嘅效果，會令到牛扒再熟一啲。
跟住送上黎就係滑蛋鰻魚飯。滑蛋鰻魚飯值得一讚嘅係，佢係有好多配菜沙律。而且佢本身都非常之好食，滑蛋、鰻魚以及咖哩飯嘅配搭一齊食簡直係人間美味。我地就好似日式漫畫入面嘅角色咁，一啖一啖咁清咗碟飯。
最後相嘅係雞肉墨魚汁意粉。其實呢間餐廳所有野都比較大份，食左之前果兩份野我地都已經有七八成飽，但呢碟意粉真係好好食，雞肉嫩滑，蟹籽醬汁加上墨魚汁麵又夠夾，我哋最後忍唔住清埋啲意粉。
水蜜桃冰室仲有好多特色嘅嘢食，包括鮮果雪芭。但係好可惜我哋食完三款主菜之後，我哋個胃已經正式投降，連甜品都食唔落。希望下次可以在黎試過啦。
張貼
