小茶角 (啟豐商場) (已結業)

離屯門碼頭不到五分鐘，地點非常易搵、方便。一去到，已經要等位，但好值得等。邊邊位仲望到海。一坐底，叫定個單骨雞翼，又juicy 又夠熱，配埋個蟹子沙律醬汁真係一流。好少單邊雞翼咁有質素，起碼吾會太油。原本想食牛牛（即牛油果加番茄），可惜太好買賣曬，即時點個牛魔王試下，個漢堡夠曬大塊，芝士都非常好食，又有蛋、蘑菇、蕃茄，十分正。芝士蘑菇牛個芝士同蘑菇非常好食，不但有芝士味，蘑菇都好香。不得一提既係買牛角包同飲品就送薯條。一個餐會抵好多！！！至於去到飲品，點左杯芝士奶蓋綠茶，價錢只係$23，亦絕對好飲過出面個d X茶，高度推介奶蓋。人多左少少，但整體氣氛環境一流，又夠冷氣、又有歌聽，坐邊邊仲要有海景睇，真係流多陣都開心。