不toast不快 (已結業)

今日嚟到葵涌廣場掃街~見到呢間「不toast不快」 好似都幾好食咁~所以就叫咗一件試下🤭因為前面仲有幾個叫咗， 所以都等咗大概十零分鐘~ 吐司到手之後，發現都幾大份， 啲材料鋪曬喺面， 用嚟打卡冇得輸😂其實佢啲材料都幾充足， 不過啲材料就只限鋪滿前半塊麵包， 後半塊麵包就真係得番麵包啦🤭麵包佢聲稱係鐵板燒燒出嚟， 我見佢表面塗咗啲牛油咁樣， 其實都幾香口幾脆👌👌不過食完個麵包之後就開始有啲飽喇， 可能我本身都食咗幾樣小食， 所以都有啲飽飽哋，我估細食嘅女仔食一件都可以當正餐啦 🤭