臺坊 (加拿分道) (已結業)

咁耐冇去台灣，梗係好想食台灣嘢啦，難得嚟到尖沙咀，知道有一間地理位置好方便嘅台灣食品，叫做臺坊，我都會見到坐滿晒人，好受歡迎，有時行過仲要排隊添！而我今次都唔執輸，見唔使排隊，即刻入嚟試一試，雖然座位唔算多，但都幾舒服，唔會覺得好迫！我今次就叫咗好受歡迎嘅牛肉麵，台灣食品，紅燒牛肉麵就一定好出名，寫呢啲嘢一定唔會有伏，難食嘅機會率好低！碗麵一嚟到，都真係幾大份，男仔食都應該會夠飽，所以呢個價錢，都算幾抵食㗎！牛筋炆得好淋，牛腩都炆得好入味！呢個紅燒牛肉麵來講算幾好，絕對唔會令人失望！之後我仲叫咗一杯台式嘢飲，係荔枝紅茶椰果！仲可以揀甜度嘅選擇，揀咗少甜！都幾好飲，茶味都幾香！原來呢度仲有好多飯都要選擇，下次一定要再試下，我諗應該一定會有高水準嘅質素，唔會令人失望！