鋿晶館 (上水匯) (裝修中)

今日因為工作原因入到上水，由於真係好少過嚟呢邊，所以真係唔知用咩好食，然後剛剛經過呢間餐廳覺得裝修都幾靚，燈光又夠光猛，所以就入咗嚟坐，然後發覺呢度啲食物質素都唔錯！餐牌第一樣引我注意嘅就係麻辣小變蛋$38，個麻辣味好足夠，再加上用咗鵪鶉蛋，一啖一粒，超好味！挪威比目魚蛋包飯$138 上枱嗰一刻我有嚇咗一跳，擺盤好靚，有種去咗西餐廳嘅感覺！塊魚煎得好好，唔會話太乾。蔥油霸王雞（半隻）$88 都唔錯，雞肉唔會好鞋，份量都幾大碟，最緊要個蔥油味夠突出。