Felice Cafe & Pasta (已結業)

中午時分，來到Felice cafe & pasta，由於店鋪不大，所以都要等吓位嘅，等得不算太耐就有位啦，由於門口等位時已睇中其中两個餐，入到即時叫咗『冬蔭公忌廉海鮮意粉』和『燒汁豚肉意粉』。set lunch有黑醋沙律送，唔錯唔錯，而跟餐飲品就有檸茶，檸水，奶茶，加少少錢就有特飲，我哋嗌咗『白桃味蝶豆花梳打』和『紅肉火龍果+藍莓沙冰』，相比之下，蝶豆花飲品就比較清淡，襯哂冬蔭公呢個比較濃味又獨特意粉，而燒汁豚肉意配我杯沙冰就非常之適合，新鮮的紅肉火龍果個顔色鮮豔仲有上面的cream實在好soft勁好飲，好老實，火龍果味勁過藍莓味好多嘅。