喜茶 (已結業)

終於等到喇！喜茶開咗喺荃新天地😍舖面好大好靚，下午3pm嚟排隊，都有小人龍，等落order大概等咗15分鐘，到拎得嘢飲大概又等咗20分鐘。我今次飲芝芝芒芒，轉咗代糖甜菊糖，標榜係比正常減少90%糖分，罪疚感減半！一路排隊都見到佢地廚房切緊芒果，見到佢地用新鮮水果blend嘢飲，感覺好fresh！之前喺深圳飲過一次芝芝莓莓，當時覺得無咩特別，但今次喺香港飲就覺得好好味☺️舖頭有個牌寫明用料係真生果，平時鍾意飲珍珠奶茶嗰d都係驚多添加劑，知道喜茶唔會有呢d成份就安心飲多杯！😄